西甲尾場衞冕嘅巴塞隆拿作客ＣF格蘭納達。巴塞有球王美斯傷愈，上場歐聯對多蒙特後備上陣熱好晒身，返回聯賽可以大開殺戒，球隊過往鬥格蘭納達優勢明顯，有足夠本錢大炒對手，今場讓球主客和只係「-1」全因為今季作客未開齋，但球王回歸又唔同講法，讓球客勝係超值之選。
（Now 632周日凌晨3時直播）
翻查番足智彩紀錄，巴塞對上3季作客ＣF格蘭納達，客勝賠率係1.03倍至1.08倍，讓球主客和全部都係「-2」，相對今仗客勝1.28倍，讓球主客和「-1」，盤口上非常着數。睇番呢3場作客，2017年倒數順序分別係巴塞贏4比1、3比0同3比1，以今日盤口「-1」嚟講，投注讓球客勝全部收錢。
ＣF格蘭納達質素參差
巴塞於周中歐聯造訪多蒙特，雖然最終只能互交白卷，但美斯復出對球迷同投注者都係好消息。事實上，巴塞多年來進攻都倚重美斯，之前美斯未能披甲一度影響入球能力，幸一眾進攻好手經過磨合後，上場聯賽面對勁敵華倫攻勢亦水銀瀉地，最終以5比2大勝。至於今季重返西甲嘅格蘭納達，雖然開咧後4戰2勝1和1負，可惜陣中球員質素參差，今場遇着「地上最強」應該會現形，巴塞讓球客勝抵玩。