周五凌晨西甲開快車，阿King梗係要度條過關心水，重心就係伊巴主場對西維爾，揀西維爾上盤。
（Now 632周五凌晨1時直播）
西維爾自新帥洛佩特吉接手後，今季開咧表現強勢，一班中後場新兵表現對辦，其中祖安佐敦今季由伊巴來投之後，成功在中場撐起一片天，更逐漸與球隊核心班尼加形成默契，大大增强西維爾中場控制力，此子今仗倒戈相向，配合利古朗同隊長捷西斯拿華斯喺兩翼頻頻壓上助攻，球隊搶分能力不容忽視。加上西維爾作客甚有保證，各項賽事近3仗作客全勝，面對開季至今一勝難求嘅伊巴，西維爾讓平半照捧上盤。
另一場切爾達主場迎戰愛斯賓奴，「愛奴」今季客場發揮遠勝主場，而且球隊近3次作客面對切爾達都保持不敗，識揀一定要「讓客」。
（Now 633周五凌晨2時直播）
最後皇家蘇斯達主場惡鬥艾拉維斯，皇蘇借返嚟嘅新兵馬田奧迪加特愈踢愈弗，大大增强球隊進攻瓣數，有力喺狀態低迷嘅艾拉維斯身上全取3分，主勝堅係好路。
（Now 632周五凌晨3時直播）