周中歐聯連續兩晚上演，投注人士日頭睇完賽馬，夜後歐聯好戲連場同樣值得留意，等我揀幾場心水與大家分享。先講講祖雲達斯對利華古遜，祖記喺意甲攞冠軍就如食生菜一般容易，近年卻頻頻與歐聯冠軍失之交臂，為力爭重回歐洲之巔，這支意甲班霸出戰歐聯肯定會落多幾成力，加上頭號球星C朗亦希望在退役之前再嘗奪冠滋味，今仗「斑馬軍團」贏面算是高唱入雲。另外D組有莫斯科火車頭主場硬撼馬德里體育會，馬體會雖然球員名氣更大，牌面更勝一籌，不過首戰旗開得勝手握3分嘅火車頭，實力都不容忽視，我就睇好主隊起碼有機會喺馬體會身上搶到1分。
最後再講少少周四凌晨嘅華倫西亞對阿積士，兩軍首戰都旗開得勝，其中華倫首戰可以話係贏得相當有冷味。而我認為阿積士呢場作客有本錢坐和望贏，皆因這支荷甲勁旅雖然年輕，但戰術運用唔輸蝕，加上有老將亨特拉爾壓陣，絕對值得睇高一線。