周四晚上世界盃外圍賽亞洲區第2圈，A組中國將會坐鎮廣州迎戰關島。國足世盃外首戰火力全開，其中歸化球員艾克森表現有料到，配合頭號前鋒武磊，坐擁主場之利嘅國足絕對唔會手軟，有望乘勢大炒關島，讓球主勝咪錯過。
（周四晚上8時開賽）
艾克森歸化火力更盛
由意大利教頭納比領軍嘅國足，今屆世盃外取得完美開局，上仗作客5比0大挫馬爾代夫，除咗歸化兵艾克森表現勁爭氣，比賽尾段整多兩粒錦上添花之外，當家射手武磊都有波入，可見國足鋒力提升不少。效力西甲愛斯賓奴嘅武磊，早前喺歐霸賽場有斬獲，已逐漸喺歐洲頂級聯賽站穩陣腳，佢嘅身價亦因此水漲船高，單係佢已有力入關島幾粒。
事車上，國際足協排名195位嘅關島，今屆殺入第2圈之後2戰全敗，包括早前主場以0比1不敵畀國足大炒嘅馬爾代夫，可見關島實力認真麻麻，今場作客挑戰晉級大熱國足，睇怕難逃大敗，讓球主客和中國讓4球，照捧1.67倍讓球主勝。