周六晚上西甲焦點大戰，馬德里體育會將會主場硬撼華倫西亞。馬體會近期多場聯賽冇波入，鋒線頻頻啞火，況且主帥施蒙尼一向崇尚穩守至上踢法，面對勁敵「蝙蝠軍團」絕對不會鬆懈，開局取態會相對保守，半場和值得留意。
（Now 632周六晚10時直播）
施蒙尼新軍火力不足
馬體會今季陣容大換血，當中法國前鋒基沙文轉投死敵巴塞隆拿後，球隊原有進攻套路必定經歷巨大改變，主帥施蒙尼亦希望藉此機會，為球隊注入不一樣嘅進攻元素，因此季前馬體會落重本引入葡萄牙新星祖奧菲歷斯，呢位被譽為「新C朗」嘅19歲小將才華橫溢，早前更入選今屆金童獎20人候選名單，不過要指望呢位後生仔獨力挑起馬體會進攻大梁絕對係不切實際，加上艾華路莫拉達同迪亞高哥斯達兩大前鋒狀態時好時壞，直接影響馬體會進攻效率，至今聯賽只係入到7球，係西甲前6分子中攻力最弱嘅球隊。
華倫新帥施拿迪斯上任後，已經逐漸坐穩帥位，加上陣中有柏利祖同洛迪高摩連奴等西班牙國腳壓陣，整體實力絕對有番咁上下，而且「蝙蝠軍團」近期作客走勢不俗，近2仗作客全勝之餘仲成功保住清白身，防守夠硬淨。況且兩軍近4次交手，3次半場打成平手，估計呢場雙方開局都會睇定啲嚟踢，半場和值得再追。