另一場東岸淘汰圈賽事，常規賽「3哥」費城聯主場鬥排第6位嘅紐約紅牛。費城聯今季攻擊力有明顯增強，前鋒派斯比高着晒火，至今喺聯賽攻入15球，再加上墨西哥中場馬哥法比安亦有7個聯賽入球進帳，今次主場肯定會同紐約紅牛駁火，入球大要得過。
費城聯對上2次打入季後賽皆喺淘汰圈出局，論經驗遠遠不及連續7屆進身東岸4強嘅紐約紅牛，何況費城聯近10場聯賽主場出擊，只錄得5勝3和2負，得勝率僅50%，再加上10場比賽之中只有1場保持清白身，從中反映防線穩健不足嘅問題。猶幸費城聯鋒力強勁，17場常規賽主場只有1場未能攻破對手防線，轟入36球更係東岸主場入波第2多球隊，今次主場定必以攻代守招呼紅牛。
紅牛入得又失得
上季東岸冠軍紐約紅牛今季表現失準，最終僅以第6名獲季後賽資格。紅牛近6場聯賽作客輸4場，今次作客環境下爭取晉級並非易事，但考慮到紅牛前鋒拜恩韋德同中場丹尼爾萊亞入球能力較強，攻力有保證，配合紅牛近6場作客入9球、失14球，5次開3球或以上「有前無後」嘅搶攻踢法，今場入球大最值得捧場。