周一早上阿King玩過關集中喺美職季後賽，其中明尼蘇達聯主場迎戰洛杉磯銀河，銀河攻擊線由瑞典前鋒伊巴謙莫域領軍，無論星味或級數都更勝一籌，呢場作客有力搶攻，過關先揀銀河第一隊入球。
（MyTV Gold 301台、Now 638、有線614及654台周一早上8時30分直播）
銀河喺過去23年美職歷史曾18次打入季後賽，累積季後賽戰績為44勝22和7負，係美職史上獲得最多季後賽勝仗嘅球隊。雖然對上兩季都無緣季後賽，好在今季有伊巴謙莫域大爆發，銀河常規賽58球入波中，就有30球都由呢位瑞典前鋒射入。瑞典「戰神」啱啱度過38歲生日仲打算轉戰意甲，難得殺入季後賽肯定搏老命。況且銀河近6次面對明尼蘇達聯取4勝2和，其中5次都先入波，呢場銀河第一隊入球值得再追。
串費城聯半大中央半和
較早開波有費城聯主場對紐約紅牛，費城聯踢法不嬲進取，加上隊長艾真度比杜亞已經傷愈復出隨時候命，整體實力有保證，對住紅牛隨時一開波就鬥攻，中位數1.5球半場大係好路。最後串多場阿甲羅沙里奧中央主場鬥沙士菲，中央近8仗有7次半場都同對手打和，開局踢法非常謹慎，呢場有力半場前頂住沙士菲攻勢，半場和值得再捧場。