於2017年加入聯盟嘅明尼蘇達聯，今季以西岸第4名身份首次殺入季後賽，淘汰圈對手係洛杉磯銀河。洛杉磯銀河由「戰神」伊巴謙莫域帶領下，闊別兩季後再度於季後賽角逐，呢名瑞典前鋒愈老愈可愛，絕對有力反客為主，而且銀河近6次面對明尼蘇達聯不敗，更有5次先入波，今場絕對有力先開紀錄，捧銀河「第一隊入球」。
喺之前美職23年歷史入面，銀河曾經18次打入季後賽，累積季後賽戰績係44勝22和7負，係美職史上獲得最多季後賽勝仗球隊，但對上兩季都未能殺入季後賽，今季有伊巴謙莫域大爆發，帶領球隊第19次競逐季後賽冠軍。銀河常規賽射入58球，當中伊巴謙莫域獨取30球，佔球隊總入球超過一半，認真誇張，呢名超過38歲嘅瑞典前鋒絕對係踢一場少一場，難得殺入季後賽，肯定搏盡老命。
明尼蘇達聯先失有前科
明尼蘇達聯今季由卡路士昆特路、美臣杜爾肩負起入波重任，但佢哋始終係首次殺入季後賽，而且同銀河嘅對賽成績實在唔掂，心理上唔多唔少會怕輸，縮得太後反而畀銀河有機可乘，加上銀河近6次對賽有5次先開紀錄，銀河「第一隊入球」值得支持。