歐聯今晚第4輪賽事戰火重現，E組賽事兩支差唔多肯定出線嘅球隊都主場出擊對較弱嘅球隊，利物浦對亨克、拿玻里對薩爾斯堡，我相信，兩軍希望可以提早取得出線資格，將會喺主場力數對手。不過，與其玩「讓球主客和」或「讓球」，讓得太多有風險，我寧願簡簡單單買條入球大過關2串1。何解？
利物浦希望盡量入多啲波，贏波可以盡快拋離亨克及薩爾斯堡，只要再下輪對亨克發揮正常贏波，即使去到最後一輪對拿玻里，勝負對出線冇影響，所以盡早入多啲波拋離亨克，免卻後顧之憂，亦可以早啲畀主力休息，留力周末聯賽大戰曼城。
薩爾斯堡放手一博
至於拿玻里對住薩爾斯堡亦有相同理念，現時拿玻里領先紅軍1分排榜首，贏波自己全取3分之餘，同時會令薩爾斯堡冇得再爆上嚟構成威脅，當然，薩爾斯堡亦唔會束手就擒，佢哋係小組入波最多球球隊，會放手一博同拿玻里鬥攻，所以2串1山大斬埋有柴架！