至於「1哥」利物浦於今晚英超，則作客下游分子阿士東維拉。紅軍雖連場報捷，但近期表現略為跌Watt，與「埃及文明」鋒線入球率下降有關，加上今季聯賽客場甚少大手交易，造訪遇強必玩死守嘅維拉，捧3.5球嘅入球細最穩陣。
（Now 621周六晚11時直播）
利物浦上輪反勝熱刺2比1，開季頭10輪聯賽豪取9勝1和，以6分甩開曼城高踞榜首。但同季初頻頻大炒對手相比，紅軍近5輪聯賽有4次僅贏1粒，氣勢明顯回落。
紅軍聯賽作客入球率偏低
同時，紅軍開咧後5場聯賽作客雖獲4勝1和，但除咗大勝般尼3比0外，其餘3場勝仗都係險勝1粒，5場全開3球或以下，贏波過程絕對唔輕鬆。紅軍周中聯賽盃主場以副選應戰下，法定時間與阿仙奴打成5比5，最終12碼贏5比4晉級，但今場回歸聯賽戰線，中堅祖爾麥迪比繼續養傷，代替佢嘅洛夫雲又不時有甩漏，作客出擊唔敢過分壓上。
維拉距離降班區只多3分，需要為護級搶分，即使周中聯賽盃主場以2比1擊敗狼隊晉級，但今場遇強必定玩死守，希望搶得1分得1分。況且維拉今場有進攻核心基亞利殊因傷未必出得之下必定更專注做好防守，紅軍頂盡小勝，寧轉捧3.5球嘅細盤。