藍月聖人又相逢！曼城繼周中聯賽盃16強以3比1擊敗修咸頓後，今晚喺英超又面對呢隊手下敗將。曼城坐擁英超最強火力，不過近期陷入後衞荒，防線不穩下必以攻代守，撞正英超失球最多、常於初段失守嘅修咸頓，相信戰情唔會有太大變化，中位數1.5球半場大好路。（Now 622周六晚11時直播）
曼城後衞荒要以攻代守
修咸頓上輪聯賽破紀錄地慘吞李斯特城9蛋，失球數字高達25球，全隊上下為平息民憤，更要捐出1日波糧謝罪。不過「聖人」確實陷於低潮，近5場聯賽只得1和4負，4場敗仗均於上半場已落後，共失12球，全開2球或以上，可見初段防守欠集中，3日前同曼城碰頭，修咸頓同樣半場已落後2球，防線堅係脆弱。
曼城同樣面對防線問題，自拿樸迪因傷長抖後，史東斯夥拍奧達文迪錯漏百出，左閘辛真高及可客串中堅嘅洛迪卡斯簡迪亦受傷，另一串演中堅費蘭甸奴上輪聯賽更領紅牌被逐，儘管佢周中英聯盃已坐咗波監，但明顯唔係合適人選，因此，領隊哥迪奧拿勢必以攻代守，減低防線壓力。「藍月亮」今季聯賽已轟入32球，比緊隨其後嘅李斯特城多7球，火力強勁，今場讓波讓得太辣，全場大細3.5球亦賠率偏低，不如捧1.5球半場大，45分鐘就收錢。