勝利未上力西部聯新敗
澳職周六上演兩場比賽，當中焦點落喺尾場墨爾本市打吡，墨爾本勝利迎戰澳職新軍西部聯。勝利開季3戰僅1勝，狀態未上力；西部聯上場被另一支同市球隊墨爾本城打破聯賽不敗身，今戰料會踢得更謹慎，首選半場和。
（myTV Gold 302、Now 639、有線615及655台周六下午4時30分直播）
季前被視為爭標熱門之一嘅勝利開季發揮只屬一般，上場作客1比0擊敗布里斯班獅吼只係佢哋今季首場勝仗，球員明顯未上力。以球會歷史及成績去計，勝利雖然係墨爾本市「1哥」，不過佢哋近4次喺打吡戰只得3和1負，包括今季於揭幕戰打和墨爾本城0比0，完全冇優勢可言。今季新加入澳職嘅西部聯來自墨爾本市西面近郊，規模難與勝利相比，西部聯頭3場聯賽勝和負各一，表現算有交代，吸取上場輸畀另一支同市球隊墨爾本城嘅教訓，相信西部聯今場會踢得更加小心，既然勝利對上4場打吡戰有3次開出半場和，今場不妨再追。
頭場流浪者當弗上盤穩
至於頭場西悉尼流浪者主場鬥布里斯班獅吼。流浪者上場喺打吡戰力挫勁敵FC悉尼，成為今季唯一開季3戰全勝球隊。獅吼今季聯賽未開齋，而且近5次鬥流浪者2和3負未贏過，流浪者小讓平半捧上盤。
（myTV Gold 302、Now 639、有線615及655台周六下午2時直播）