今日中午日職頭場之一，神戶勝利船主場迎戰仙台維加泰。雖然勝利船今季唯一目標係爭日皇盃，但由於4強戰有排都未打，撞正弱旅兼私房菜維加泰，可寓賽於操，主勝值得捧場。
（有線604及603台周六中午12時直播）
勝利船坐擁恩尼斯達、韋拿、普多斯基、華美倫等球星，如今喺聯賽只位居中游，其實都幾肉酸，為咗爭取下屆亞冠盃入場券，贏日皇盃冠軍係最有效捷徑，為此之前部分聯賽更特登收起主力。依家佢哋已殺入日皇盃4強，喺12月尾對清水心跳，仲有1個多月時間，冇理由咁快要留力啩，反而要藉聯賽保持狀態，同埋上周有日聯盃決賽關係，令聯賽輪空，為免「揼懶」身子，今仗主場出擊唔會hea踢。
近5次交手維加泰未威過
其實維加泰與勝利船係同分排中游，暫時甩開降班區4分，連埋盃賽在內，近8仗贏得2場咁大把，狀態認真麻麻，包括喺日皇盃畀乙組仔長崎成功丸踢出局，見到都唔開胃。何況勝利船係佢哋剋星，雙方近5次交手，勝利船取得4勝1和，擺明格食格喇，主勝有買趁早。