防守硬淨受讓抵玩
周五凌晨西甲快車激戰連場，等阿King度番條過關心水畀大家，其中基達菲將會主場挑戰前列球隊CF格蘭納達。聯賽新軍CF格蘭納達表現令人眼前一亮，尤其後防相當硬淨，面對攻力唔算標青嘅基達菲，CF格蘭納達有本錢搶分，讓球客勝要得過。
（Now 632周五凌晨4時15分直播）
上季以西乙亞軍身份勇奪升班資格嘅CF格蘭納達，今季強勢回歸西甲頻頻搶分，完美展現大無畏精神，早前更一度攀上1哥位置。CF格蘭納達陣中雖然冇大牌球星壓陣，不過靠整體戰術搭夠，防守絕對夠硬淨，近8仗聯賽取得6勝1和1負之餘，當中有6次更加保持清白身，代表作當然係主場以2比0擊敗衞冕之師巴塞隆拿，戰力毋庸置疑，面對近2仗全敗兼食白果嘅基達菲，CF格蘭納達有望立於不敗之地，受讓之下必取讓球客勝。
伊巴難贏維拉利爾
另一場西甲賽事伊巴主場迎戰維拉利爾（Now 632周五凌晨2時直播），下游分子伊巴聯賽連輸2仗近況低迷，今仗雖然主場出擊，但要擊沉2連勝嘅「黃色潛水艇」難度甚大，平手盤寧願要維拉利爾好過。同晚仲有馬略卡主場同奧沙辛拿合演升班球隊對決，奧沙辛拿上仗以3比1反勝勁旅華倫西亞，士氣大振，今場作客乘勢追擊，要搶分落袋唔成問題，讓球客勝唔好錯過。
（Now 633周五凌晨2時直播）