英聯盃16強另一場Big 6大戰，車路士喺史丹福橋主場硬撼曼聯。車仔主帥林柏特喺唔同場合會用唔同球員應戰，盃賽會出巴舒亞伊同基斯甸普列錫威力不減，曼聯啱啱取得聯賽作客首場勝仗，打起番球員信心，加上今季聯賽開咧戰曾擊敗車仔，心理上唔怕同對手鬥攻，今場兩軍活力大比併，可向2.5球入球大埋手。
（周四凌晨4時05分開賽）
雖然車仔於聯賽排名更高，但近年面對「紅魔」似乎例冇運行，近4次碰頭僅得2和2負，尤其是今季聯賽首輪交手慘吞4蛋，不過，由於現時球隊整體成績唔差，所以主帥林柏特暫時不論對勁旅定弱旅，盃賽同聯賽都採取進取打法，始終成個班底新埋班，唔想太過多變化，以不變應萬變，都未嘗唔係一件好事。
當正選同後備球員訓練時都有同一個理念，隊波就會易於管理，「林伯」手上兵源唔算多，咁樣做嘅話，唔需要因為起用唔同球員而夾硬轉陣式，而且盃賽同聯賽球員可以更靈活運用，好似基斯甸普列錫咁，原本主要踢盃賽，但上周歐聯踢得好，林柏特聯賽對般尼都搵佢踢正選，結果就連中三元，今場主場對曼聯唔怕繼續進攻。
紅魔作客開齋信心增
「紅魔」今季遇強成績唔算差，除咗大勝車仔外，更打和攻力強勁嘅利物浦及阿仙奴，主帥蘇斯克查習慣以格連活特、費特洛迪古斯及雲比沙卡等做骨幹踢盃賽，以防反為主要戰術，後生仔夠氣夠力，可以做到蘇帥要求，而且後備席上仲有日漸成熟嘅前鋒拉舒福特，加上啱啱取得今季聯賽首場作客勝仗，對於今場作客更添信心，相信呢場波只要打開缺口，入波會陸續有嚟，2.5球入球大趁早買。