西甲周中開快車，周三凌晨有巴塞隆拿鬥華拉度列。巴塞上周末對皇馬嘅國家打吡改期，依家1分落後多踢1場嘅CF格蘭納達排第2，今場贏波就可重返榜首。巴塞季初雖然頻頻失分，不過單計主場聯賽水準依然有保證，開季4場贏晒之餘，加埋入咗16球，更何況，季初養傷嘅美斯已全面復出，佢同蘇亞雷斯、基沙文組成嘅「MSG三叉戟」開始發揮威力，上場聯賽首次同場入波，帶領球隊作客大炒伊巴3比0，踢出王者霸氣。
華拉度列上季排名16，踢至季尾先護級成功，今季陣容變動不大，整體實力不宜高估。佢哋今場除有射手辛度拉美利斯倦勤外，主力防中費迪伊美迪里奧亦因傷上陣成疑，陣容不整更難爆冷，巴塞讓兩球照捧讓球主勝。
（Now 632周三凌晨4時15分直播）