周六凌晨西甲維拉利爾主場鬥艾拉維斯，等阿King度條過關心水畀大家。猛將如雲嘅「黃色潛水艇」今季發揮出應有水準，尤其主場氣勢如虹，今場對住作客即屈嘅艾拉維斯，主隊贏面高唱入雲，若嫌主Ｗ太熱，不妨轉捧維拉利爾上盤。
（Now 632周六凌晨3時直播）
上季僅排聯賽第14位嘅「黃色潛水艇」，今季揾番前主帥卡利查回巢執教，總算可以穩步發展，暫時位列積分榜第7位，其中關鍵領軍人物非辛迪卡索拉莫屬，呢位34歲老將開季至今已經交出4個入波同3次助攻嘅出色表現，連西班牙國家隊都要徵召佢入伍幫拖。而且維拉利爾主場出擊威力驚人，上仗主場就以5比1狂數貝迪斯，火力全開，對住近3場作客輸晒嘅艾拉維斯，「黃色潛水艇」有本錢再次發圍，維拉利爾讓半一要上盤。
維羅納搶分大駁火
再串多場意甲維羅納對薩斯索羅，薩軍入得又失得，今季7仗聯賽6次開3球或以上，對住同為下游分子嘅維羅納，兩軍為搶分隨時駁火，入球大值得再追。（MyTV Gold 301台、Now 638、有線614及654台周六凌晨2時45分直播)
最後係場阿根廷盃8強對決，獨立隊喺中立場鬥拉魯斯，獨立隊近5場4次開出2球或以下，踢法相當保守，面對走勢強勁嘅拉魯斯，獨立隊更加不敢冒進，入球細捧得過。
（周六凌晨4時10分開賽）