周二晚國際賽大戰連場，等阿King度番條過關心水。其中日本將會主場鬥委內瑞拉，「藍武士」雖然有多位主力已提早離隊返回球會，不過佢哋近期國際賽戰績夠爭氣，委內瑞拉呢場作客恐怕凶多吉少，主勝值博。
（有線602及662台周二晚6時25分直播）
日本上場世盃外2比0輕取吉爾吉斯之後，主帥森保一畀隊長吉田麻也、長友佑都、酒井宏樹同連續5場有士哥嘅南野拓實返回各自球會，畢竟呢場只係熱身賽，倒不如試試其他球員，例如畀上仗被收起嘅中島翔哉上陣，搵佢搭住原口元氣同柴崎岳，日本中場依舊卡士十足。另邊廂，委內瑞拉都有多位球員退隊，包括喺歐洲搵食嘅沙治奧哥度華同莊達卡迪斯，隨時令箭頭人物荷西朗頓孤掌難鳴，捧番日本W好過。
巴西搶韁搵南韓出氣
另外，巴西則喺阿聯酋同南韓交手，「森巴軍團」啱啱友賽不敵阿根廷，呢場肯定搵南韓出氣，巴西近10次對亞洲球隊全勝，而且全部半場就領先，半場Ｗ唔好錯過。最後講埋U21歐國外，以色列U21主場挑戰西班牙U21，「小狂牛」今屆賽事4戰半贏全贏，呢場搶韁踢法不變，半場客勝係不二之選。