另一場歐國外「死亡C組」賽事，德國將於周日凌晨主場出擊，強戰白俄羅斯。德國質素雖較高，可惜飽受傷停困擾，而且今場只須小勝便極有機會提早晉級，主帥勒夫料將穩中求勝，今場向中位數3.5球入球細埋手更明智。
（有線601及661台周日凌晨3時45分直播）
德國同荷蘭同得15分，兼領先第3位北愛爾蘭3分，德國今場只要贏波，而另邊廂北愛又未能擊敗荷蘭的話，德國就可提早進身來年決賽周，晉級形勢樂觀。德國整體實力雖遠勝白俄，可惜傷兵滿營，防線主力歷卡斯蘇尼重創提早收咧，防中安利簡恩又因上輪被逐要坐波監，除令本來唔算穩陣嘅防線更加脆弱，前鋒馬高列奧斯、中場夏維斯又先後因傷退隊，陣容天殘地缺，大大影響攻擊力，就算谷盡都未必有能力大炒對手。
白俄守得唔攻得
目前排尾2嘅白俄，近6場歐國外只入4球同僅失8球，全開3球或以下，包括首循環對德國僅負0比2，明顯守強攻弱，既然德國又欠強攻本錢，今場寧捧中位數3.5球入球細好過。