話咁快，今屆歐聯分組賽嚟到第5輪，以「死亡H組」形勢最緊湊，其中頭場華倫西亞主場迎戰車路士最為關鍵，呢類生死戰冇得保留，何況車仔有弗到爆嘅「譚仔」譚美阿巴謙助陣，一定火力全開，鬥攻格局捧2.5球嘅入球大冇衰。
（有線656及616台周四凌晨1時55分直播）
先講講H組形勢，除咗得1分排包尾嘅里爾肯定出局外，阿積士、車仔同華倫西亞同得7分，3隊都有出線機會，今輪及尾輪嘅任何賽果足以影響大局，呢兩輪可謂背水一戰。由於華倫上次作客贏過車仔，對賽稍佔上風，因此車仔今仗不容再失，射手譚美阿巴謙近4仗入3粒，腳風奇順，連防中尼高路簡迪近期都頻頻入波，睇番上輪主場落後1比4劣勢下，竟然可逼和阿積士4比4，可以用瘋狂嚟形容佢哋嘅進攻打法。
若果華倫今輪打和，雖可保住同車仔嘅對賽優勢，但要留意，佢哋下輪要作客硬撼阿積士，而車仔只係對已出局嘅里爾，所以贏波先至係上算。查實「蝙蝠兵團」主場出擊唔打守勢波，連同上屆在內，近4場歐聯主場轟9粒，全部開3球或以上，依家生死關頭實放手一搏，必定多波入，大盤乃不二之選。由於今仗車仔小讓平半，上盤亦值得兼投。
同組另一場係里爾主場對阿積士，阿積士上輪領先4球都畀車仔逼和4比4，錯失甩開其他勁敵良機，真係放虎歸山，今仗遇弱冇得再甩拖。不過兩名守將戴利白蘭特同祖爾韋特文都要坐波監，難免影響防守能力，隨時以攻代守，2.5球嘅大盤更好路。
（有線604及603台周四凌晨4時直播）