C組榜首曼城於主場迎戰烏克蘭代表薩克達。曼城和波就可以出線，但薩克達仲有機會爭次名，眼見曼城傷兵滿營，雖然往績輸蝕，但當然亦會放手一博，加上薩克達近5場歐聯作客4次開4球或以上，今場捧中位數3.5球大係最佳選擇。
（Now 644、有線661及601台周三凌晨4時直播）
曼城上場作客雖被阿特蘭大逼和1比1，但現時仍以5分領先薩克達及薩格勒布戴拿模，今場保持不敗便可篤定躋身16強。不過，球隊傷兵嚴重，除咗之前講咗好耐嘅中堅荒，上周對車路士再添傷兵，阿古路、大衞施華同洛迪卡斯簡迪傷出，陣容唔完整，幸佢哋對薩克達有把握，近3次歐聯對賽全部贏3球或以上，人腳未必得，但心態上可以彌補。
薩克達歐聯作客頻入波
薩克達目前僅以較佳對賽成績壓過同分的薩格勒布戴拿模排次席，想出線當然要搶分，雖然佢哋近年流失不少主力，無復昔日奇兵本色，但明知曼城唔夠腳，亦唔會介意放手一博。事實上曼城今屆已經唔係以往咁無敵，薩克達近5次交手亦贏過1次，唔試過又點知得唔得呢？要贏曼城梗係有相當困難，但入波機會總會有，薩克達近5場歐聯作客4次開4球或以上，有4場可以入2球，今場不妨一試3.5球入球大。