周日晚蘇聯盃上演「老字號」打吡，繼2010/11賽季後，格拉斯哥流浪再次同些路迪喺決賽相遇，等阿King度條過關心水畀大家。些路迪今季攻力強勁，為爭4連霸肯定唔會手軟，另外格流進攻同樣唔輸蝕，死對頭決賽廝殺，必定大打出手，入球大值博。（周日晚11時開賽）
格流近年風頭明顯畀死敵些路迪蓋過，上季接掌教鞭嘅前利物浦隊長謝拉特，當然希望帶領球隊逆轉形勢。事實上，格流自謝拉特執教以嚟的確有提升，今季各項賽事都交出高水準發揮，其中進攻最為突出，近4仗狂轟12球，全開3球或以上。當然衞冕嘅些路迪作為傳統勁旅，攻力同樣有番咁上下，近6仗斬獲21球，其中5次開3球或以上，呢次死敵對碰，入波肯定唔會少，大盤咪錯過。
羅沙里奧專恰小保加
另外挪威盃侯格辛特將會同維京上演冠軍對決，維京近5仗有4次半場開2球或以上，為爭獎盃同來季歐霸資格，肯定一開波就同對手鬥攻，半場大值得留意。最後講多場阿甲羅沙里奧中央鬥小保加，中央近2仗主場全勝兼狂轟10球，加上佢哋近4次主場對住小保加都贏波，一於捧讓球主勝。