幾支出戰完歐霸盃嘅球隊，周一深夜都會喺聯賽出擊，阿King決定跟紅頂白，捧番兩支喺歐霸出到線嘅葡超勁旅士砵亭同波圖，至於出唔到線嘅意甲兵拉素就梗係反啦，3串1串埋都有啲肉食！
拉素出局洩氣反得過
先講場意甲卡利亞里對拉素，拉素上周中歐霸作客吞雷恩兩蛋，黯然出局。拉素出局難免洩氣，而且體力消耗亦比卡利亞里高，加上卡利亞里近13場聯賽8勝5和，主場出擊更係4連勝，拉素難有甜頭，卡利亞里主場受讓激筍，捧讓球主勝。
（myTV Gold 301、Now 638、有線654及614台周二凌晨3時45分直播）
至於葡超雙雄士砵亭及波圖分途出擊。士砵亭喺歐霸提早出線下，上周中只派副選上陣，返聯賽作客對近5次交手全勝嘅辛達卡拉，擺明恰慣對手，客勝抵玩。（周二凌晨3時開賽）
最後波圖主場迎擊唐迪拉，驟眼睇波圖似大炒格，但雙方近年對賽波圖小勝居多，讓球主勝有風險，既然波圖近5次交鋒4次半場領先，轉玩半場主勝。（周二凌晨4時15分開賽）