周二凌晨英超獨腳戲，水晶宮主場同白禮頓上演中游對決。兩支球隊近期都有超水準發揮，其中水晶宮靠出色防守取勝，絕對唔容易攻破，至於白禮頓連續喺强敵身上搶到分，士氣都有返咁上下，唔會想一開波就落後，捧返半場和好過。
（Now 621周二凌晨3時45分直播）
老帥鶴臣帶領嘅水晶宮，近3場聯賽靠堅挺嘅後防表現，取得2勝1和好成績，3場波1球都冇失過，防線做到滴水不漏，加利卡希爾等守將絕對抵讚。查實水晶宮經歷10月尾至11月地獄賽程後，近期狀態已經回復，多得防守端交足功課，呢支倫敦球隊近6場5次半場同對手打和，開局非常硬淨。相比之下，水晶宮進攻能力失色得多，聯賽至今只得14球，係英超攻力第2差嘅球隊，頭號球星韋費特沙夏雖然依然好扭得，可惜個人今季入得2球，入球效率大減，難免影響到球隊整體進攻發揮。
白禮頓近期同樣爭氣，早前同球隊續約嘅領隊樸達，近兩仗率領「海鷗」面對阿仙奴同狼隊兩大勁敵共搶到4分，踢出士氣波。當弗攻擊手艾朗干洛尼有傷上陣成疑，冇咗愛爾蘭前鋒壓陣，呢場作客嘅白禮頓開局應該都會做好防守先，下半場再伺機反擊，半場和係心水之選。