法林明高風光不再
周日凌晨在卡塔爾舉行嘅世冠盃決賽，由南美代表法林明高火併歐聯盟主利物浦。近年世冠盃冠軍被歐洲代表壟斷，決賽遇上南美代表經常佔到甜頭，加上「紅軍」今季順風順水，誓當「3冠王」為今年畫上完美句號，一於吼實利物浦上盤。
（無綫85台周日凌晨1時30分直播）
以自由盃冠軍身份參賽嘅法林明高，今屆世冠盃4強雖然以3比1反勝亞洲代表希拉爾，但過程非常驚險，尤其是上半場表現一塌糊塗，差啲畀希拉爾爆冷成功。查實自2000年世冠盃開辦以來，巴甲雄師一開波就連續3屆染指冠軍，可惜其後12屆只係攞過1次，可見巴甲球隊近年喺世冠盃已風光不再。
另邊廂，利物浦於4強以2比1險勝蒙特雷，但嗰場波「紅軍」收起沙迪奧文尼、羅拔圖法明奴同阿歷山大阿諾特等主力，預計今場眾星將回歸正選，戰力肯定提升。「紅軍」嘅高強度壓迫打法，等閒球隊實在難以招架，而「埃及文明」鋒線穆罕默德沙拿、羅拔圖法明奴同沙迪奧文尼亦腳風奇順，鋒力絕對唔嘢小。
歐洲隊近9屆贏8屆
翻查紀錄，近9屆世冠盃有8屆由歐洲代表封王，其中7次於法定時間擊敗對手奪冠，若單計之前6次決賽遭遇南美代表，法定時間取亦得5勝1負佳績，可見歐洲代表嘅足球水平已遠超其他洲份。「紅軍」除咗喺英超榜首領放，今年更先後勇奪歐聯及歐超盃錦標，盃賽經驗豐富，佢哋一定力爭世冠盃，完成「3冠王」美夢，利物浦讓一球，上盤咪錯過。