魯營爆國家打吡全民皆攻
今晚巴塞隆拿於主場魯營球場同皇家馬德里合演西班牙「國家打吡」！巴塞「3叉戟」美斯、蘇亞雷斯同基沙文狀態大勇，皇馬亦有法國前鋒賓施馬腳風甚順，唔好忘記兩邊嘅「帶刀侍衞」碧基同沙治奧拉莫斯，大戰冇防守空間肯定全民皆攻，早早就開紀錄，1.5球半場大誠意推介！
（Now 632及611周四凌晨3時直播）
今季第1次西班牙「國家打吡」原定喺10月尾舉行，但因為當時加泰羅尼亞爭取獨立事件升溫延期，幾經波折，搵到周中檔期補賽，促成球迷們今晚都要捱眼瞓睇好波。
力爭衞冕嘅巴塞，上場作客畀皇家蘇斯達逼和2比2，球王美斯雖未有士哥，不過呢位阿根廷巨星再次貢獻助攻之餘，同鋒線拍檔基沙文及蘇亞雷斯亦愈見合拍，「3叉戟」回師主場更極具威力。
巴塞靠3叉戟難掩防線漏洞
巴塞今季7場聯賽主場賽事，錄得全勝佳績，當中6場至少轟入對手4球，火力驚人。不過佢哋「3叉戟」攻力強橫，防線就仍未能予人信心，今季7場聯賽主場有6次未能保持清白之身，上述7戰全部半場已經開大。
皇馬現時同巴塞並列榜首，因此今仗可以話係爭標關鍵戰。皇馬今季表現平穩，最大功臣係王牌射手賓施馬，呢位法國前鋒喺聯賽已經射入咗12球，咪忘記仲有「帶刀侍衞」隊長沙治奧拉莫斯幫拖，皇馬火力同樣不容忽視，挾近8場共入23球之勢，勢同巴塞駁火，半場大值得留意。