聖誕快車遇弱勝算高
今日聖誕節，渡邊年祝大家聖誕快樂，得心應手！雖然聽日「拆禮物日」先有賽事，但英冠有好路提早推介畀大家，1哥西布朗作客鬥第22位嘅班士利，呢場係強弱懸殊之戰，西布朗個客Ｗ肯定會愈買愈熱，各位球迷早買早享受！
（周四晚11時開賽）
西布朗今季喺前韋斯咸主帥比歷領導下，喺英冠勢如破竹，長期做1哥之餘，仲射入46球，暫時係聯賽火力最強球隊，比歷執教風格同以往喺英超時一樣，都係以攻代守。由修咸頓轉投西布朗嘅中鋒查理柯士甸今季翻生，近7場聯賽入7球，巴西中場馬圖斯佩雷拉更喺助攻榜名列前茅，配合具英超經驗嘅笠臣簡奴、積基李華摩亞等支援，無論將帥質素，根本喺英冠就超晒班。
班士利沉淪等劏
西布朗今季作客表現勁過主場，開季後12場聯賽作客獲8勝3和1負，係今季英冠作客王，單計近6場聯賽作客，西布朗亦豪取5勝1和。相反，尾三嘅班士利狀態低沉，23場聯賽輸咗12場，面對史篤城、盧頓、米杜士堡等護級對手都要輸，今場迎戰榜首西布朗相信都係凶多吉少，西布朗客Ｗ肯定會愈買愈熱，今日早飛入定先，做個醒目投注者。