周二下午澳職獨腳戲，中岸水手主場火併珀斯光輝。光輝近期憑藉超強火力，打出一波3連勝走勢，其中射手科拿路利腳風順到冇朋友，面對防線穿窿嘅中岸水手，仲唔係入波好時機？首選中位數2.5球入球大。
（myTV Gold 302、Now 639、有線615及655台周二下午4時直播）
上季勇奪常規賽冠軍嘅珀斯光輝，今季出閘脫腳，好彩球隊踏入12月後表現反彈，科拿路利、迪亞高卡斯度等一眾進攻好手亦火力全開，近3場聯賽合共轟入11球，豪取3連勝佳績，其中上場以6比2大炒紐卡素噴射機一役，前澳職金靴獎得主科拿路利更加梅開二度，開咧至今累積斬獲5球，盡顯身價。
聯賽交手多波入
中岸水手上仗聯賽踢出爭氣波，主場以2比1擊退實力不俗嘅阿德萊德聯，成功結束2連敗頹勢重振士氣，呢場有得再喺地頭出擊，必定希望乘勝追擊。可惜中岸水手防線始終唔算穩健，開季至今9場聯賽只得1次能夠力保不失，近5次聯賽鬥珀斯光輝更合共失咗14球，總入球全開3球或以上，呢場捧中位數2.5球入球大最划算。