周三凌晨有多場英格蘭聯賽錦標16強賽事進行，當中由曼聯「7小福」等做班主嘅沙福特城主場對維爾港。維爾港近況唔錯，足總盃對曼城雖然輸波，但都可以取得1個入球，而且之前幾場保持不敗，今場受讓，當然捧讓球客勝。
（周三凌晨3時45分直播）
沙福特城雖然有7小福「加持」，5季內4度升班，但目前上到英乙嘅職業聯賽，再向上升嘅阻力就好大，現時只排第12位，今仗對手維爾港則喺英乙排第10，今季雙方曾於聯賽交手1次，沙福特城主場都只能踢成1比1，贏唔到維爾港。
維爾港雖然剛於上周英足盃第3圈，被曼城以4比1淘汰出局，畢竟雙方實力距離太遠，不過能夠由34歲老將樸比射入1粒，總算有交代，其實計算之前5場賽事，維爾港錄得1勝4和不敗戰績，今場作客沙福特城有力保住不敗，受讓就更值捧場，一於要讓球客勝。