穩陣波迎戰流浪者
周五澳職排演獨腳戲，布里斯班獅吼主場迎戰西悉尼流浪者。獅吼近期上半場表現穩健，近7場聯賽有6次開半場和，今仗遇上狀態較佳，但作客表現慢熱嘅流浪者，半場和值得再追。（myTV Gold 302、Now 639、有線655及615台周五下午5時30分直播）
西悉尼作客慣性慢熱
獅吼上場聯賽以0比1不敵墨爾本城，未能趁第5位嘅阿德萊德聯輸波進佔更前列位置，但獅吼整體演出未見太大走樣，尤其上半場仍然保持近期穩健作風，力保不失，如非門將占美楊格換邊後嘅一次撲救，皮球中柱後反彈其背脊入網，獅吼或已有分落袋。呢個欠運失波預期唔會對獅吼士氣造成太大影響，會繼續沿用穩守戰術同對手周旋。
流浪者上場作客1比0力挫榜首勁旅兼同市宿敵FC悉尼，不但今季雙殺對手，而且近4場聯賽3勝1和，狀態勇銳。不過流浪者今季8場聯賽作客只曾試過1次半場領先，其餘7場半場5和2負，入局較慢，好難喺比賽初段搶得先機，一於吼半場和。