神鋒齊坐波監
德甲榜首拜仁慕尼黑今晚主場迎戰4哥慕遜加柏。拜仁喺聯賽重開後持續強勢，豪取5連勝佳績，依家拋離次席多蒙特7分，不過拜仁今仗有主力射手羅拔利雲度夫斯基同助攻王湯馬士梅拿停賽，攻擊力大受削弱，面對踢法穩陣嘅慕遜加柏，宜捧中位數3.5球嘅入球細。
（無綫85台、Now 670、FOX+、有線651及611台周日凌晨零時30分直播）
拜仁慕尼黑實現德甲8連霸指日可待，羅拔利雲度夫斯基同湯馬士梅拿居功至偉，「羅拔仔」今季累積30個聯賽入球，湯馬士梅拿今季助攻數字則達到20次，呢對孖寶無疑係拜仁進攻命脈，今仗2位前線靈魂人物齊齊停賽，估計拜仁要贏波都唔容易。
慕遜加柏今仗亦有首席射手之一嘅柏利亞坐波監，雖然佢哋近況飄忽，聯賽重開後5仗取得2勝1和2負，不過拜仁今季聯賽4場敗仗當中，其中1仗就係以1比2不敵慕遜加柏，相信拜仁今場亦唔敢亂攻，既然拜仁近5次主場聯賽對慕遜加柏，4次開出3球或以下，今場中位數3.5球嘅入球細值博。
多蒙特猛火炒「塞」
2哥多蒙特作客排尾3嘅杜塞爾多夫，主隊下半季志切搶分，可惜有心無力和波居多，而且今季對聯賽前5球隊8戰全輸，當中7場輸多過1球，首循環作客多蒙特就淨吞5蛋，今仗面對鋒力強勁嘅多蒙特凶多吉少，多蒙特讓客好路。
（Now 670及FOX+、有線651及611台周六晚9時30分直播）
拜仁慕遜細均力敵
2020-06-13 05:49 来源：滚球网