土耳其主W匈有成竹

歐國聯B3組賽事將由土耳其主場面對匈牙利，土耳其上屆喺歐國聯戰績麻麻，今次就決心爭小組首名，面對同組實力最弱嘅匈牙利，有力打響頭炮！

（周五凌晨2時45分開賽）

整體質素勝一籌
土耳其世界排名第29位，上屆歐國聯同俄羅斯、瑞典同組，可惜只能夠取得1勝3負，成績差強人意。不過土耳其近12場賽事取得9勝2和1負，成績唔錯，加上大軍名單有多名高質素球員，包括祖雲達斯後衞美列迪美羅同里爾前鋒耶馬士，今場定必以3分為目標。

匈牙利世界排名第52位，比土耳其低一截，實力同B組其他球隊亦存在一定差距。佢哋上屆歐國聯喺C2取得3勝1和2負，成績更勝希臘，不過匈牙利實力喺歐洲只屬三流水平，近6場亦只得1勝，加上今次被徵召嘅球員普遍較年輕，估計練兵為主，面對土耳其凶多吉少。