今日日職激戰連場，當中橫濱水手主場同川崎前鋒合演「神奈川打吡」。上季盟主水手近期表現重回正軌，面對聯賽1哥兼火力最強嘅前鋒，中位數2.5球入球大係不二之選。
（有線661及601台周六下午5時直播）
橫濱水手上次主場靠祖利亞山度士梅開二度，以4比1輕取北海道札幌岡薩多，近4場聯賽獲3勝1和，呢位今季先加盟嘅巴西射手着晒火，近4仗聯賽入5粒，同拍檔馬高斯祖利亞火力全開，而且佢哋落後川崎14分之多，今場贏唔到衞冕機會等於零，所以唔攻唔得。
川崎前鋒聯賽14戰入41球，上仗聯賽喺攻擊核心中村憲剛、齋藤學復出兼入波下，5比0大炒清水心跳，加上水手近4仗聯賽全開4球或以上，今場大盤值博。
札幌恃地利食住三箭
至於免費早場北海道札幌岡薩多主場鬥廣島三箭，兩隊近況都唔太掂，但岡薩多喺福地厚別公園競技場出擊，三箭難望偷雞，寧捧受讓嘅札幌讓球主勝。
（香港開電視77台、有線661及601台周六下午1時直播）
神奈川打吡水手大戰前鋒
2020-09-05 11:24 来源：滚球网