車仔格食格專恰西布朗

上場聯賽慘吞利物浦2蛋嘅車路士，周日凌晨英超作客西布朗。新升班嘅西布朗開咧2戰2敗失8球，似乎仍未適應英超節奏，車路士不但實力佔優，近4次聯賽對西布朗亦全勝，上盤不容錯過。（Now 621周日凌晨零時30分直播）

西布朗開咧戰以0比3不敵李斯特城，上輪遇愛華頓更慘敗2比5，兼且有後衞基蘭基比斯領紅，今場要停賽；周中聯賽盃又互射12碼不敵賓福特出局，輸到面目無光，戰意實在令人擔心。

車路士上仗喺半場踢少個下輸畀利物浦，實屬非戰之罪，球隊本身實力強橫，德國前鋒迪姆華拿表現活躍，面對西布朗誓力爭個人今季首個英超入球。另一新加盟巨星夏維斯周中聯賽盃大演帽子戲法，相信可以踢出信心，加上車仔近4次聯賽對西布朗全勝兼保持不失，相信今場亦可恃質取勝，一球/球半上盤穩開。

水晶宮愛華頓細均力敵
周六另一場英超賽事，水晶宮主場迎戰愛華頓，兩隊齊齊取得2連勝，球員信心十足。全面重建嘅愛華頓近期風頭勁，占士洛迪古斯同卡維特利雲等攻擊手鋒芒畢露，不過今場作客，預料領隊安察洛堤會重點改善防務，採用穩陣戰術，況且水晶宮近7次聯賽主場對愛華頓，有6次總入球開2球或以下，捧中位數2.5球入球細穩陣。（Now 621周六晚10時直播）