揭幕戰特醒遜多蒙特開讓主

今晚德甲爆首輪激戰，上季2哥多蒙特主場迎戰慕遜加柏。多蒙特火力強勁，加上踢開鑼戰向來醒神，頭炮料可輕鬆擊敗「私房菜」慕遜加柏，讓球主客和撐主隊。

（周日凌晨零時30分開賽）

多蒙特剛於德國盃作客大勝過關，傷愈復出嘅隊長馬高列奧斯，後備落場都有入波。多蒙特今季有比利時國腳梅尼亞、小將祖迪比寧咸及雲連亞卡維奴加盟，更重要係留住查頓辛祖，配合挪威球王艾寧夏蘭特，鋒力唔簡單。

近11次交鋒慕遜輸晒
慕遜加柏上季以第4名衝線有驚喜，可惜佢哋開鑼戰成績麻麻，當中2015/16球季就曾以0比4不敵多蒙特，今季陣容冇乜大變下，不宜高估。睇番兩軍近11次碰頭，多蒙特竟錄得全勝，再者「蜜蜂兵團」近5季德甲開鑼戰全勝，4次贏2球或以上，表現醒神，有力延續佳績，讓球主勝有計。