伊巴勁弗A米大盤屈基

今晚歐霸盃上演一場過第3圈外圍賽，意甲勁旅AC米蘭主場對挪超代表波杜基林特。A米神鋒伊巴謙莫域近2場怒轟3粒，弗到爆廠；波杜基林特7連勝唔係善男信女，近6場有5次總入球開4球或以上，直取中位數3.5球大盤。

（周五凌晨2時30分開賽）

AC米蘭上圈歐霸盃以2比0擊敗沙姆洛克流浪，伊巴為球隊先開紀錄。呢位即將39歲嘅射手上場意甲首戰梅開二度，賽後仲話如果後生幾年，入4球都唔成問題，夠晒霸氣。除伊巴外，列比錫及查漢奴古都屬進攻能手，趁主場出擊，勢必攻到對手氣咳。

挪超1哥波杜基林特近況弗到漏油，聯賽16勝2和領先次席莫迪16分，非常誇張，佢哋踢法充滿進攻意欲，近6仗全勝之餘，5次總入球開4球或以上，火力充沛唔赦A米，今場大盤走唔甩。

威廉二世遇格流駁火騷
另一場荷甲威廉二世主場鬥蘇超勁旅格拉斯哥流浪。「格流」上屆殺入16強，論經驗更勝主隊，佢哋近3仗總入球全開3球或以上，作客照搶；威廉二世喺名帥高斯達帶領下，踢出主攻風格，近2仗均大勝而回，包括上圈歐霸盃外圍賽5比0狂數尼達干，上場荷甲又以4比0大破荷華高斯，信心爆棚下主場唔會縮，今場要中位數2.5球入球大。

（周五凌晨3時開賽）