[太阳拆局] 欧冠:榜首之战车仔求稳吼半和

今晚欧联H组榜首大战，衞冕嘅车路士主场硬撼「1哥」祖云达斯。车仔今仗唔输即肯定sportscn.com出线，祖记为保首名亦踢得保守，加上两军每逢出战欧联，例必先求稳阵，随时初段陷於胶着，半场和值得捧场。
（Now 643周三凌晨4时直播）

攞１分都够数
上届盟主车仔，喺H组4战取得3胜1负位居次席，领先第3位嘅辛尼特6分，就算今仗打和而辛军赢波，喺剩下1轮下仍领先4分，同样可锁定前2名出线席位，因此毋须急於抢攻。虽然前锋卢卡古同迪姆华拿已经好番，但状态未上力，难免影响攻力，上仗联赛作客轻取李斯特城3比0，华拿更全场坐冷板，相信同佢仍未操弗有关，主帅杜曹亦向来重视防守，喺H组4战只失1粒，其中3仗开半场和，明显谋定而後动。

祖记喺H组4战赢晒，已经提早取得出线权，只要今仗有分落袋，便肯定获得首名资格，不过基亚连尼、丹尼路雷斯、保罗戴巴拿都有伤在身，今仗未必出得，阵容不整之下，今仗只求唔输唔会冒进。何况祖记主帅阿里基都系稳阵派，喺佢麾下祖记近3仗欧联亦全开半场和，既然两军都稳阵至上，半场和不妨再追。