[太阳拆局] 欧冠:波图谷唔起追红军主Ｗ

已锁定B组首名出线嘅利物浦，於晏菲路主场迎战波图。葡超球会波图领先马德里体育会1分，位列小组次席，今场若然失分随时会被爬头，但主动出击恐怕会暴露後防漏洞，真系唔上唔落，而且波图近年对「红军」都有噩梦般经历，心理上未战先输，今场利物浦赢埋唔奇，主胜好路。

（Now 644周四凌晨4时直播）
利物浦喺「死亡B组」4战全胜已获首名出线，今场将会轮换，南野拓实、奥历治、伊巴希马干拿迪等都会落场，话晒佢哋都系顶级球员，难得有机会上阵当然搏尽，加上占士米拿、拿比基达等伤兵可以复出，靠今场提升状态，论战斗力仍然喺波图之上。

波图理论上作客利物浦抢到分已算成功，不过佢哋仅以1分领先马体会，最後一轮仲要正面交锋，因此今仗有争胜必要。波图最擅长系稳守突击，抢攻唔系佢哋最佳踢法，何况两军过去6次交锋，利物浦录5胜1和不败，其中4场更大胜3球或以上，「格食格」味浓，一於捧主胜。

马体会突击迎战AC
同组嘅马体会主场迎战AC米兰，马体会前锋基沙文及中坚菲腊比蒙达里奥停赛、捷比亚及祖奥菲历斯受伤缺阵，未能排出最强阵容，不过佢哋稳守突击打法煞食，实力及对赛都食住对手，近3次对叠全挫AC，预计马体会可小胜。
（Now 645周摘自sportscn.com四凌晨4时直播）