[太阳拆局] 澳职:光辉唔赦西部联

史杜列治科拿路利够照

今日晏昼澳职有好戏码，西部联喺中立场硬撼珀斯光辉。西部联仍未走出上季季尾嘅低潮，连同射手贝利沙告老还乡，今季首轮更落笔打三更，颓到冇朋友，光辉有两大神锋史杜列治及科拿路利压阵，今仗有力反客为主，让球客胜有计。
（myTV SUPER周五下午4时45分直播）

贝利沙离队返科索沃
前季异军突起嘅西部联，上季开始打回原形，最终只排第10位无缘季後赛，阵中如迪亚文迪、贝利沙等老将亦表现跌Watt，其中射手贝利沙喺今夏更离队重返家乡科索沃搵食，实力再打折扣。西部联喺今季首轮对住上季包尾大幡墨尔本胜利，竟以0比1落败，录得跨季联赛9连败，表现惨不忍睹。

光辉今季签入前曼城及利物浦射更多分析请浏览华体网华体网(sportscn.com)手史杜列治，成为澳职焦点，佢喺首轮对阿德莱德联先任後备，只在末段入替，等佢慢慢适应。唔好忘记光辉亦有另一杀手科拿路利助阵，佢喺对阿德莱德联之役更远射靓波扳平1比1，帮球队抢番1分，极速入局，呢名乌拉圭前锋近2次为光辉出战西部联都有士哥，虽然光辉喺周中澳足盃互射12码畀墨尔本胜利踢出局，但佢同「史独」等主力都冇披甲，只派青年军上阵，明显畀佢哋抖到够在联赛搏杀，今仗仲有得受让咁笋，让球客胜咪错过。