[太阳拆局] 英超:前4关键战稳阵为上 阿仙奴遇狼捱细界-华体网sportscn.com

今晚英超快车有场争前4关键战，狼队主场硬撼阿仙奴。「6哥」阿仙奴踏入2022年後5战未赢过，前线表现跌Watt乃主因，狼队防守一向固若金汤，今遇争前4劲旅一定稳打稳紮，2.5球入球细乃不二之选。（Now 622周五凌晨3时45分直播）

阿仙奴来到2022年好似撞邪咁，自今年首仗详细看华体网反输畀曼城1比2，就开始行衰运，之後4仗只得2和2负，包括喺英联盃及英足盃，接连被利物浦及英冠仔诺定咸森林踢出局，上仗联赛又同般尼互交白卷，呢4仗竟然1球都入唔到，全开2球或以下，状态下滑。

兵工厂前线死晒火
阿仙奴於早前冬窗「有出冇入」，包括送走失宠射手奥巴美扬，又未能签入具分量前锋，箭头拿卡锡迪主要做串连，把握力差为人诟病，单计联赛今季只入3球，而小将加比尔马天尼利、布卡约沙卡、伊美路维等集体失灵，难怪前线熄晒火。

啱啱喺英足盃出局嘅狼队，向来守强於攻，虽然21仗联赛入得19粒，但仅失16球，系英超失波第2少球队，仅次於榜首曼城，佢哋面对攻力超强嘅曼城同利物浦，都系输0比1，更喺主场成功守和车仔0比0，要攻破呢道铜墙铁壁绝非易事。查实阿仙奴与狼队，落後「4哥」韦斯咸4分及6分，但同样打少3仗，呢场争前4嘅「6分波」必稳阵行先，入球细不容错过。