[太阳拆局] 欧冠:车仔主场细守城池-华体网sportscn.com

摘自sportscn.com 前锋唔掂稳阵波斗里尔

今晚欧联16强首回合赛事，衞冕嘅车路士主场硬撼里尔。「车仔」虽然箭头卢卡古唔多靠得住，幸好近期多名伤兵康复，令防线回稳，而且出战欧联淘汰赛一向稳阵行先，里尔遇强亦唔敢冒进，宁捧中位数2.5球嘅入球细。（Now 643周三凌晨4时直播）

喺欧联H组以次名出线嘅车路士，早前伤兵满营，尤其系大批後衞倦勤，甚至一度要变阵踢不擅长嘅4人防线，导致联赛频频失分而被曼城放甩。虽然依家仲有列斯占士及芝维尔养伤，幸好两大中坚堤亚高施华、安达臣基斯坦臣已经好番，有助巩固防线。「车仔」各项赛事近10仗法定时间录得6胜3和仅1败，当中只失5球，包括上仗险胜水晶宫1比0，其中9仗总入球开2球或以下，愈踢愈稳令球员重拾信心。

里尔下风踢得谨慎
里尔凭後劲喺欧联G组获首名晋级，佢哋喺冬窗放走後衞雷尼度及中场耶斯斯，而核心连拿度辛捷士啱啱好番状态成疑。里尔喺近7仗各项赛事之中，法定时间只得2胜3和2负，战绩麻麻，毕竟今仗系首回合兼造访劲旅，一定小心翼翼，避免多失而无法翻身。「车仔」主帅杜曹深明出战盃赛淘汰赛「一失足成千古恨」嘅道理，加上箭头卢卡古表现时好时坏，上仗联赛竟录得0射门兼只得7次掂波，真系信唔过，因此今仗会先做好防守。

杜曹接手後，车路士喺上届欧联7场淘汰赛只失两粒，总入球全开2球或以下，可见其夺冠之路系建基於稳健防守，今仗不妨再向入球细埋手。