今晚英超独脚戏，纽卡素主场迎战狼队。纽卡素近况差劲，返主场一定力争重回胜轨，狼队今季继续保持出色防守力，加上作客一向稳打稳紮，实力不容忽视。双方近4次交手，半场全部未分胜负，捧半场和着数。
（Now 621周六凌晨3时直播）
狼队最近表现回勇，上场主场2比1击败阿士东维拉，近4场赢咗3场，争取来届欧洲赛席位仲未绝望。佢哋一向擅长踢防守反击，虽然入波唔算多，但胜在防守够稳阵，今季31战只系失咗27球，尤其作客往往踢得更保守，等到下半场先再搵机会偷鸡。狼队首席射手鲁尔占美尼斯今场继续「坐波监」，主将鲁宾尼维斯又因伤缺阵，预计会做好防守先。
「喜鹊」连续4战开半和
纽卡素上仗先开纪录下，最终1比5惨败畀热刺，以1胜3负结束连续4场嘅作客之旅。「喜鹊」最近攻力麻麻，近3场只入1球，当中两大主力射手基斯活特、辛特麦斯明，踏入2022年後联赛加埋只入得两球，成为球队哑火嘅最大原因。「喜鹊」攻力不足下，今场未必会冒险进攻，睇番佢哋近4场半场都同对手打成平手，半场和值得再追。