今晚欧协联8强次回合，荷甲燕豪芬主场火并英超李斯特城。首回合打和0比0，双方进攻效率都唔算高，加上燕豪芬近4场欧协联仅一胜，主场出击亦不宜高估。李斯特城喺占美华迪养伤下，近4场作客3次总入球开2球或以下，推介中位数2.5球入球细。
（Now 644周五凌晨零时45分直播）
燕豪芬首回合踢得非常保守，全场只有5次射门，仅1次中目标，除因为作客唔敢乱嚟外，亦由於整体实力比唔上李斯特城，始终荷甲水平同英超有一段距离，今仗返主场出击，理应唔会太过保守，问题系佢哋踢欧协联表现平平无奇，近4场只得1胜3和，较难畀到人信心。
李斯特城近况麻麻
李斯特城首回合形势占优，但10次射门只有两次中目标，可见喺占美华迪缺阵下，把握力大受削弱，球队整体状态亦未如理想，近6场比赛只取得2胜2和2负，单计作客更加系3场未赢过，今晚远赴荷兰未必搵到甜头。既然双方首回合打和0比0，形势上均等，两队都唔想犯错以免冇仇报，今场随时一球定生死，细盘属好路之选。