[太阳拆局] 欧国联:为国而战士气状态谷到爆 乌克兰下盘攞威-华体网sportscn.com

今晚世盃外欧洲区附加赛A组决赛，威尔斯主场斗乌克兰。乌克兰全队将球场化成战场，希望用今场胜利为国内外同胞打气，士气一定高昂；威尔斯当然亦希望打入世盃决赛周，不过乌克兰近9场不败极为硬净，「黄蓝军」今场受让平半，下盘值得捧场。（有线661及601台周一凌晨零时直播）

世界排名27嘅乌克兰喺准决赛作客苏格兰，凭耶莫兰高、耶梅卓克同杜夫比克各建一功，以3比1淘汰对手，跻身今场决赛。球员喺赛前同赛後都表现得非常激动，始终国家陷入战争当中，领队柏度哥夫赛後豪情壮语，话胜利系为咗成个乌克兰，系为所有人民而战。好明显今晚对威尔斯呢场波，胜负嘅意义已经超越咗一个决赛周席位，而系真正嘅国家光荣。值得一提嘅系，已经64岁嘅主帅柏度哥夫曾经希望返国上战场，但由於佢冇行军经验所以被拒。

撇除球场外嘅因素，柏度哥夫带波都有一手，佢喺2019年曾经带领乌克兰U20，赢得当年世青盃冠军，部分球员都有入选今次乌克兰大军，为国家队接班做好准备。柏度哥夫旧年8月接手，上任之後带咗9场波，合共获得4胜5和，包括近3场赢晒，球队不论士气定状态都达至顶峰。

威尔斯遇硬嘢冇计
威尔斯上周中欧国联斗完波兰，喺收起加里夫巴利、祖阿伦同艾朗蓝斯等主力下，以1比2输波，全场只系得两脚中框埋门。威尔斯上次出席世盃决赛周已经系1958年嘅瑞典世盃，自然希望再尝杀入决赛周滋味。不过佢哋太过依赖加里夫巴利，好易畀人睇死。事实上佢哋实力同乌克兰差唔多，现时世界排名18，而且球队近17战，未曾击sportscn.com败过世界排名前30嘅球队，证明对强队冇晒计，即使有主场之利都让唔起乌克兰，下盘值得支持。