欧国联A2组第4轮赛事，包尾嘅瑞士主场迎战劲旅葡萄牙，两军上星期交锋，瑞士作客曾惨吞4蛋，今仗返主场必定大踢争气波；葡萄牙两连胜後占据榜首，今场或会让部分主力进行轮换，进攻力将受到削弱，要攻破瑞士防线恐怕要花一番气力，预料瑞士早段可以顶住，半场和值博。
（周一凌晨2时45分直播）
葡萄牙今届欧国联开局一帆风顺，首仗作客逼和西班牙後，近两轮顺利击败瑞士同捷克，目前以7分排A2组榜首，晋级形势乐观。不过，列强仍视欧国联系年底世盃嘅热身赛，葡萄牙领队费兰度山度士将会作出轮换，近2仗踢足180分钟嘅C朗好大机会退居後备，削弱葡萄牙入球能力。
作客唔敢轻率冒进
葡萄牙近年人才辈出，但锋线仍然非常依赖C朗，效力AC米兰嘅拉菲尔利亚奥升上大国脚後，8场比赛仍然未入过波，安达施华、迪亚高祖达等喺国家队亦产量唔多，葡萄牙唔具备强攻能力，尤其作客赛事更加唔敢轻率进攻，相信要用一段时间先可以搵到破敌之法。
瑞士喺欧国联经历3连败，不过上仗0比1仅负西班牙，表现已有明显起色，佢哋喺主场出击向来硬净，对上5仗主场只失过2球。瑞士嘅机动踢法甚具效率，上半场体力充沛嗰阵甚少甩拖，近6仗主场有4次半场同对手打和，今可一於再追半场和。
