今晚欧霸分组赛E组首轮大战，两支出线热门曼联同皇家苏斯达喺奥脱福球场正面交锋。曼联4连胜重上正轨，同主帅坦哈格调整咗战术，改打稳守突击有关，但皇苏亦非善男信女，加上「红魔」近更多分析请浏览华体网sportscn.com年欧霸对住西甲兵例少交收，2.5球入球细更可取。
（Now 643周五凌晨3时直播）
吸取开咧两连败嘅沉重教训後，曼联主帅坦哈格亦面对现实，近期刻意改踢稳守突击，务求先做好防守，再凭反击搵食，战绩立即反弹，近4仗全部赢晒，包括击败死对头利物浦同阿仙奴，而且只失两粒，呢条「方程式」确系有效，球员信心返晒嚟。
马古尼落场必醒醒定定
曼联两位「大哥」C朗同哈利马古尼今仗有机会担正，尤其系队长马古尼之前咁多虾碌嘢，难得正选披甲势必醒醒定定，跟足坦Sir部署，唔敢乱咁标波，而新加盟嘅防中卡斯米路亦可进一步巩固防守，以佢哋近期防线演出，绝对有力抵挡皇苏进攻。
另一边厢，皇苏今夏卖走前锋阿历山大伊沙克及翼锋赞奴沙，对进攻唔多唔少都有影响，佢哋近4仗取得2胜1和1负，输波嗰场系对住劲旅巴塞，虽败不辱，其余3仗全开2球或以下，包括上仗逼和马体会，防守演出硬净，今晚作客唔会急於抢攻，预料会小心翼翼。
睇番曼联近4次喺欧霸出战西甲球队，法定时间取得2胜2和，全开2球或以下，其中一仗正正系主场同皇苏互交白卷，分组赛啱啱开始随时斗稳阵，宁捧细盘。
