今晚意甲压轴好戏，由祖云达斯主场迎战沙兰力坦拿。祖记伤兵满营令攻力跌Watt，而且有欧联後顾难免避重就轻，沙兰力坦拿踢法硬净唔易食，2.5球入球细可取。
（Now 638周一凌晨2时45分直播）
祖记开季头头碰着黑，今夏回巢嘅保罗普巴上周进行手术根治膝伤，预计下年1月先可归队，连年尾嘅世盃都好大机会缺席，令主帅阿里基以呢位法国国脚做核心嘅如意算盘打唔响。祖记中场群龙无首，近4仗联赛全开2球或以下，其中上轮联赛对费伦天拿早早领先，点知最终都被逼和1比1，可见阿帅保守到晕。
祖记上周中欧联作客以1比2不敌巴黎圣日耳门，不过对手太强非战之罪，阿里基讲明目标放喺嚟紧周中次轮对宾菲加嘅大战，为争出线呢3分相当紧要，今仗祖记随时留有一手。
沙兰力坦拿防守有改善
沙兰力坦拿尽管有名将列贝利因伤倦勤，但开季表现唔曳，头5轮联赛取得1胜3和仅1败，其中3仗开2球或以下，防守有明显改善，加上备战时间充足，有力同要分心欧联嘅祖记周旋，既然祖记守强攻弱，捧入球细好过。
