今晚意甲独脚戏，维罗纳主场迎战乌甸尼斯。乌甸今季突然冒起，别具一格嘅进攻打法令列强怕怕，挟联赛5连胜之强势，造访下游分子维罗纳，必定乘胜追击，让平半必捧上盘。
（Now 638周二凌晨2时45分直播）
讲到今季意甲最令人惊喜球队，非乌甸尼斯莫属，经过头两仗联赛不胜後，近5场联赛竟然全部赢晒，唔讲得笑。乌甸能够异军突起，同佢哋主攻打法有关，开咧後7仗共轰15粒，攻力之强可谓数一数二，除咗曾豪赠擅守嘅罗马4蛋外，更先後反胜蒙沙、萨斯索罗及国际米兰，韧力十足。
众所周知乌甸会长普素，同时亦拥有英冠球队屈福特，因此阵中球员经常喺两间球会调来调去，而以爆得见称嘅翼锋迪路菲奥，与罗拔图佩雷拉虽然喺英伦表现一般，但去到乌甸就非常生猛，两人今季合共已贡献9个助攻，射手比图比东卡有4球进帐，中场拿沙沙马迪锡亦屡有佳作，不容忽视。
维罗纳遇强即屈
另一边厢，维罗纳状态麻麻，开咧後7仗联赛赢得1场咁大把，仲要只系赢弱旅森多利亚，不值一提。而且佢哋对住实力稍强嘅费伦天拿、拉素、阿特兰大及拿玻里就输晒，遇强队立即脚软，好难顶得住勇锐嘅乌甸来犯，上盘乃不二之选。
QQ截图20221003115040