欧联F组第3轮好戏，皇家马德里主场迎战「老对手」萨克达。衞冕嘅皇马喺F组实力超班，现时两战全胜暂列榜首，不过今仗又唔系赢硬，因为佢哋近年多次斗萨克达互有胜负，睇番近6次交手有4次开4球或以上，不如转玩3.5球入球大。
（Now 645周四凌晨3时直播）
皇马主场巴拿贝球场趁住国际赛期间进行维修同重铺草皮，法国射手宾施马养伤近1个月终告复出，上场联赛斗奥沙辛拿虽然射失12码，但经过热身後今场会有更佳发挥。
近年对赛常演入球骚
基於欧联抽签档次同欧洲足协部分规例问题，皇马同萨克达近年经常喺分组赛碰头，上届、前届同2015年都同组，前届皇马就曾遭萨克达「双杀」，今场唔系话赢硬，好彩宾施马对萨克达特别有计，呢6次对碰宾施马4次正选上阵，当中3场取得士哥，预料入波唔成问题。
乌克兰联赛早前喺战火下重开，萨克达回复正常比赛及操练，喺欧联两战取得1胜1和，包括首轮作客大胜RB莱比锡4比1，佢哋上述6次对住皇马，4次开4球或以上，加上皇马近9场得两场冇失波，3.5球入球大属信心之选。
QQ截图20221005133907