今晚G组赛事，曼城主场斗哥本哈根。「蓝月亮」刚刚炒完曼联，艾宁夏兰特连中三元弗到爆炸，哥本哈根难以抵挡，预料曼城上半场已经有波入，加上哥本哈根近4场作客上半场总入球全开2球或以上，追中位数1.5球嘅半场大。
（Now 644周四凌晨3时直播）
曼城喺G组两战全胜轰入6粒，一半由夏兰特取得，呢位挪威国脚加盟曼城後表现「屈机」，一般後衞根本守唔住佢，加上菲尔科顿及奇云迪布尼等中前场都有能力数胡，曼城上仗打吡战半场已经攻入4球，预料今仗会继续大打快波，尽快入多啲波奠定胜局。
哥本哈根作客唔集中
丹麦球队哥本哈根实力平庸，两场分组赛仅得1和1负，包括作客0比3不敌多蒙特，上半场已经落後两粒。睇番佢哋近4仗作客全部输晒，合共失10球，并且往往早段就失波，摆明唔够集中，今场随时一个夏兰特就足够炮制半场大，可谓抵玩到极。